Asociación Puntogal

O primeiro trimestre do ano 2009 o rexistro do dominio europeo creceu un 2%, supérandose xa a cifra dos tres millóns de dominios rexistrados.

O 1 de Febreiro de 1989 rexistrouse o primeiro nome de dominio .mx (itesm.mx). Desde esa data xa son mais de 279.000 os rexistros de nomes de dominio .mx, informa o Network Internet Center -México (NIC México).

A partir do 3 de decembro abrése o prazo a nivel mundial para solicitar o novo dominio .tel, que permite crear cunha plantilla, sen necesidade de coñecementos informáticos, unha tarxeta virtual na que se poden mostrar os datos de contacto dunha empresa ou particular, informa Expansion.com.

O .org, The Public Interest Registry (o rexistro de interese público), rexistro que se atopa detrás do nome de dominio global .org anunciou que contan con máis de 7 millóns de nomes de dominio reistrados, converténdose no terceiro dominio xenérico (despois de .com e .net), informa marketwire.com.

ICANN asinou a semana pasada o seu 40º marco de responsabilidade co manager do código de dominio “.is” de Islandia, uníndose aos outros 55 países que xa formalizaran a súa relación.

O dominio de internet .cat ten xa 23.619 rexistros contabilizados un ano e medio logo de ser aprobado polo ICANN, o organismo internacional que se encarga de xestionar os dominios na rede. Segundo o director executivo da fundación Punt.Cat, Jordi Iparaguirre, esta é unha cifra "notable" tendo en conta que o dominio .cat non é dominio territorial equivalente ao que dispón os países, senón que se trata dun rexistro xenérico, dedicado á lingua e a cultura.

VeriSign, Inc. (NASDAQ: VRSN), provedor líder de servizos de infraestrutura dixital para un mundo conectado á rede, anunciou á publicación do Reporte da Industria dos Nomes de Dominios correspondente ó primeiro trimestre de 2007. De acordo con este informe os rexistros totais de dominios alcanzaron os 128 millóns.

A entidade empresarial entidade adscrita ó Ministerio de Industria Red.es premiará o próximo 17 de maio ós usuarios que rexistren máis dominios .es, coincidindo co 'Día Mundial das Telecomunicacións e da Sociedade da Información. Día de Internet'.

Segundo os datos da autoridade de rexistro de dominios .es, xa hai máis de medio millón de páxinas web unidas a este sufixo. A cantidade de dominios co identificativo español experimentou unha forte suba durante a feira SIMO, na que se rexistraron 43.700 solicitudes debido á oferta que realizaron diferentes empresas rexistradoras de dominios.