Asociación Puntogal

A Fundación puntCAT presenta no día do San Jordi a campaña "Navega en català" co obxectivo de explicar os beneficios de configurar os navegadores co catalán como lingua predeterminada e describir os pasos para poder facelo en só 30 segundos.

Amadeu Abril, impulsor dos dominio .cat, co gallo da presentación da iniciativa .eus -dominio en Internet para a lingua e cultura vasca-, fala sobre a experiencia do dominio catalán e valora as posibilidades para outros dominios de tipo lingüístico e cultura, nunha entrevista publicada no xornal Gara (07-02-2009).

O vindeiro xoves, a Fundació brindará a oportunidade a todos os usuarios do dominio .cat que participen no obradoiro de crear a súa propia web .cat empregando  as ferramentas gratuítas da Internet.

Desde que se abriu a fase inicial de rexistro, en febreiro de 2006, o .cat conta xa con máis de 30.000 dominios rexistrados, informa e-notíces.

O puntCAT anima a celebrar a festividade do Día de Internet, o vindeiro 17 de maio,  explorando a rede, informa a web do dominio para a comunidade cultural e lingüística catalá.

O buscador máis popular de internet, Google, activa o .cat, o seu primeiro dominio xenérico específico para unha comunidade concreta, neste caso a comunidade lingüística e cultural catalá, segundo informa a Fundació puntCAT, que xestiona o dominio .cat.

O dominio de internet .cat ten xa 23.619 rexistros contabilizados un ano e medio logo de ser aprobado polo ICANN, o organismo internacional que se encarga de xestionar os dominios na rede. Segundo o director executivo da fundación Punt.Cat, Jordi Iparaguirre, esta é unha cifra "notable" tendo en conta que o dominio .cat non é dominio territorial equivalente ao que dispón os países, senón que se trata dun rexistro xenérico, dedicado á lingua e a cultura.

A Fundación PuntCat asinou un convenio coa Biblioteca de Catalunya para colaborar na elaboración do depósito Patrimonio Dixital de Catalunya (PADICAT), un proxecto que pretende recoller, almacenar e preservar toda a producción cultural, científica e xeral elaborada en formato dixital creada en Catalunya ou que teña un interese prioritario para o país.